旅行心情 - 起伏不定

早係4個月前己為10月放假安排旅行，不過心情就起伏咗幾次。

最初嘅目的地係沖繩，上網check晒資料，仲以為會自駕遊，所以即刻續返個車牌，不過最後因為一D原因要改去其他地方。


終於選定去馬來西亞停泊島，諗起係小島可以日日出海浮潛，睇珊瑚、小魚同海龜，又可以係沙灘抖吓hea吓，都幾relax喎！好！又搵晒資料，正準備book機票，突然又有變掛，今次連個patner都去唔到，即係要係短時間內再搵人一齊去。

結果都搵到，不過呢位朋友應該唔會陪我去陽光與海灘啦！再諗其他地方啦！

竟然決定豁出去，重本去南非！調較心情，預備睇野生動物，住好D食好D，去埋旅行社打算報名，點知未成團，咁等吓啦！

最後......朋友間屋有問題，要搵屋搬，呢段時間即是不宜旅行。

Oh……再次接受心情由高峰轉向谷底……攪咗咁耐，唔通呢個假期真係去唔到旅行？？

感謝神！同阿Sa講開，佢竟然可以請假一齊去台灣，雖然預備嘅時間好倉促，不過都可以懷住興奮心情去寶島。YEAH！

睇返整件事，心情就好似上咗架巴士，去到中途壞車要等下一架，點知上到另一部車，都係唔得，又要落車再等，係緊迫嘅時間裡面上上落落。

呢次事件，再次提醒我，就算以為計劃得好好，都唔係自己可以控制，亦要學習接受結果。另外，唔如意嘅事可以不停發生，當事實唔可以改變，就要改變自己心態，諗另一條出路，而且神總有預備。