探病

前兩星期，細佬嘅婆婆跌到要入醫院做手術，留院兩星期，尋日去探佢。

細佬嘅媽咪都係度，我地同婆婆傾計，叫佢祈吓禱，跟住我係無心理準備之下就開始同佢講信仰嘅話題。

婆婆問耶穌點解要比人釘死………最後佢願意決志信耶穌，祈禱後佢話心裡好平靜。

感謝神！能夠叫婆婆認識佢，叫佢得到福氣同平安，真係好開心！

今日再去探佢，佢話心裡面好矛盾，因為拜咗幾十年神，好怕唔上香家人會有事。我相信呢D都係好多初信者嘅擔心，佢話心裡面知道依家所拜嘅保佑唔到佢哋，不過唔拜有怕有事發生。

請為婆婆禱告，求天父叫佢感受到耶穌比佢個份真平安，可以認識到耶穌比萬有都大，倚靠佢嘅就唔需要怕。

感謝神比我有個機會同人講信仰，其實平時好少係朋友聚會主動同人傾信仰，怕大家覺得Hardsell，不過有D弟兄姊妹可以好自然就同人講起，真係好羨慕，求天父比我有多D機會同人分享信仰，叫更多人得到神嘅福氣。

不過跟進亦好緊要，希望自己可以用唔同方法堅固婆婆信心。