生命師傅 - 給馬可團的信

今天在團契的分享其實未完的……

導師的其中一個角色是團友們的生命師傅，在各方面幫助大家成長。不過在馬可的幾年裡，反而是你們幫助我的屬靈生命更加豐富，讓我更加經歷神的真實和祂的愛呢！

你們青春可愛的活力、在主裡的單純、願意不斷成長的生命，讓我在馬可的生活中，越來越多感動時刻了，你們給了我很多鼓勵、很大動力！

感動時刻：

- 主動跟團友建立soulmate關係，更相約一起靈修，一起祈禱，一起讀經
- 曾經是睡魔的手下敗將，現在返團契和崇拜已很穩定
- 雖然只能參加10分鐘團契，仍然一早回來和團友相交
- 學校活動撞了團契時間，經努力下爭取回來的機會，成為你的感恩事項
- 關心團友的心情，在他們失落和辛苦時，成為他 / 她的守望者
- 將同學一個一個的帶回來，原來我們不只有三代同堂，更有四代同堂呢
- 團契領詩的認真預備和感性的分享，讓我看見神正在塑造你們的生命(你們的眼淚不是白流的)
- 在〝團友分享〞的時間，大家也會為你們在神裡的經歷感恩
- 面對困難時，會主動找導師一起分享和祈禱
- 雖然有些團友是靜靜的在一角，但我們也是一起成長，大家都是彼此關心的
- 團友開始參加教會事奉，有些更是主動要求
- 開始參加浸禮班，期待跟你們一起領聖餐呢

很喜歡你們在團契前一起嘈嘈閉的感覺，很有生命氣息。
很喜歡今天的團歌團訓，唱得特別起勁、背得特別有氣勢，要維持著這份馬可精神呢！
很喜歡我們能在『亂炒』坐了他們4張檯。
很喜歡你們專心聽我分享的真摰神情(不過不敢望太多，免得我控制不了自己)
很喜歡跟你們在一起的感覺！

謝謝你們的信任，讓我能參與在你們的生活和生命中。

在主裡的成長除了有神的恩典之外，我們也有責任好好保守自己的心，多親近神，由基本的靈修+祈禱做起，也要好好堅持這些基本功呢！

『你要專心仰賴耶和華，不可倚靠自己的聰明，在你一切所行的事上，都要認定他， 他必指引你的路。』 箴3:6

『你要保守你心，勝過保守一切，因為一生的果效，是由心發出。』 箴4:23

Mark WITH U^3

一班籌委、一班導師、一班哥哥姐姐~~~感謝您

Ming哥哥：你總是默默地盡力去做，無論之前的籌備和在CAMP裡，不同角落都有你的蹤影，零晨3時都起身巡視。辛苦了！
譚先生：看到弟兄姊妹在你身上學到了不少人生道理，感恩！也要謝謝你在CAMP中充當〝投影機操作員〞。謝謝！
穎怡：你在忙碌中所付出的，大家都看到，尤其是你的Camp Book做得好好，還得到專業人士讚賞你的設計呢！加油呀！
阿強：看到你在腳傷中仍努力去做，不單只預備野外定向，還有總務的工作也不容易呢！謝謝你！
穎敏：你的歡笑聲、開朗活潑的主動性讓整個CAMP很多歡樂；你在閉營禮的表現很好！讚！
天慧：雖然你不能3天都跟我們在一起，但我知你已好努力去爭取一晚跟我們享受CAMP的快樂。還有，你很有責任地跟進弟兄姊妹對CAMP的意見，感激！
龔姑娘：在教會忙碌的事奉下，謝謝你為我們努力預備晚會信息，也感謝你在屬靈的事上帶領我們更加認識神！
嘉琪姐姐：雖然工作叫你不能跟我們享受整個營會，但要感謝你在第三天一大清早便出現，跟我們一起享受靈修和最感性的閉營禮呢！
伯豪哥哥：工作也折磨了你好一段日子，感恩你有休息的機會，跟我們一起享受一起經歷這個屬於馬可人的生活營。
Sa姐姐：你是我的好蘇眉，謝謝你和我一同事奉、願意陪我一起笑一起哭
黃先生：你在繁忙的事奉和病未復元的情況下仍入CAMP跟大家一起，謝謝你！(不過你的病菌可能已遍傳馬可團.......)
Money姐姐：你對馬可的強烈的愛，大家都感受到，我們也越來越愛你呀! 請輸入更多正能量給大家！
穎欣姐姐：知道你非常忙碌，但仍抽空跟我們在一起。多謝廠長！
開華哥哥：謝謝你教我們認識了〝PIE〞；另外請問你的蘇眉是否仍被困在魔術盒中？
Kenny哥哥：多謝你的分享，讓團友們得到不少鼓勵和反省呢！
輝哥：要你老人家沿著又熱又斜的路上來，只逗留30分鐘又要匆匆離開，謝謝你的支持呢！
大V：你連續2晚都上來探營，又買手信給大家，多謝你呀！
陸牧師：謝謝你的SMS和對馬可團的關心。

曾經有人問我：有什麼人幫助你成長？
我心裡想起你們~~~一班馬可團友。
當我見證你們成長的同時，其實你們也在幫助我成長：讓我學習關心人、學習愛人、學習委身、學習倚靠神、學習成為一位導師。神真的很奇妙，讓我們成為彼此的幫助，建立對方的生命。

閉營禮的真情流露，是因為在3日2夜裡，跟你們傾談分享時，發現你們都成長了，更願意接納別人，願意拆籬笆，願意突破，願意順服，願意尋找屬靈同伴，願意跟神有進深的關係，願意作見證...............真的有點老懷安慰的感動。

WITH U^3是第一個真正屬於馬可團的生活營 ~~ 因為第一次由團友做籌委
要尋找你的 Soulmate，一起笑一起哭，一起在主裡成長

我要說：你們都是我所愛的！

《謝謝你璨爛笑容，照亮我的天空，謝謝你分享心情，把我放在你心中》

我們愛，因為神先愛我們。<約一 4:19>

Last HKCEE

最後一屆會考放榜終於係8月4號炎熱既天氣下結束。

雖然今年帶病上陣，不過陪弟兄姊妹一齊經歷呢個重要時刻賓在係值得。

一早收到一個好消息，那一刻心裡很為〝她〞高興，不過隔左一陣就收到另一個無咁好嘅消息，心裡面為〝她〞難過。

陸陸續續，所有成績已經出晒，大家亦開始走唔同嘅路去搵學校，有開心、有失望、有失而復得、有徬徨不安，呢幾日大家都辛苦，眼淚亦都流唔少。

成個過程裡面，睇到弟兄姊妹之間彼此關心，擔心對方，又為大家張羅搵學校，好欣賞嗰份彼此相愛嘅心。

今年有機會認識一位團友嘅媽咪，當等阿仔interview嘅時候，有機會同佢傾計，佢提到香港人情紙咁薄，但見教會嘅人都願意陪一班團友放榜，實在好唔同。希望呢個係一個好開始，Auntie將來可以認識呢位叫我哋懂得愛人嘅神。

馬可團友：無論成績如何，呢個都只係人生裡面其中一點。每一個階段，神都唔會走漏眼，佢仍然將最好嘅預留比大家。係新一個學年，大家比心機，要更加認真同盡力做好本份，加油呀！

馬可加加油

眨吓眼，會考又到啦！今年係最後一屆會考，所以令呢個考試更加緊張。

馬可人：加油呀！要收拾心情，專心溫書。

用禱告撐住呀！

Mark Sever 813

三日兩夜嘅camp順利完成啦。今次camp嘅主題希望大家係事奉上思想多D，可以為神、為團契付出D咩！

感恩同感動嘅事都唔少：

感恩：

- book咗40個位，最後一星期都仲有好幾個位剩，最後都有39人參加。

-第一日入camp落雨，不過夜晚outing又無落啦，如果唔係呢場雨，大家應該會勁熱。

-新朋友係第二晚聽三福決志信主！感謝神！

-雖然好多人出camp之後都病咗，不過神比我哋嘅得著一定更多。

感動：

-入camp時已開始感冒，出發前有團友為我禱告，第一晚訓訓吓醒咗，幾個姊妹主動話要為我祈禱，見到佢地對神嘅倚靠同對禱告嘅信心，好感動！

- 一班哥哥姐姐都好火熱，一有機會就同未信嘅新朋友講三福，佢地嗰團火令我好欣賞。

- 導師捱眼訓都同團友仔傾計睇日出，就算唔係佢原先預計嘅事，但呢個行動都好值得鼓掌。

- 有一班團友幫手領詩、做培靈會敬拜小組，見到佢哋事奉，好感動，大個仔大個女啦！你哋要keep住成長呢！

- 第一晚事奉歷奇，大家又熱，又要講求合作，又要面對不同挑戰，不過大家都好有體育精神，無中途放棄，讚！

- 獻心會，大家都願意點著蠟燭，向神獻上自己，要堅持呢份心志呢！

- 估唔到團友係培靈會入面有唔少深刻感受，『面對今日，盡力而為』、『把握機會事奉』

團友們，要堅守信仰，實踐立志呀！

雖然大會唔想團友傾計傾到好夜先訓，攪到第二日無晒精神，不過去camp的確係一個好機會比大家認識多D同埋講吓心事，呢D回憶每次諗返都好開心。

獻心會

每日食飯時，另一團體都會唱『食飯歌』(打油詩)，我哋聽到都好興奮跟住學又跟住拍手，好攪笑。

『鹹魚白菜煮埋一煲飯
朋友食飯千祈唔好揀
食呀，食呀
食食食』

放榜大日子

今日係中五放榜嘅大日子，對於我係既陌生又埋身，因為陪馬可團友一齊搵學校，所以前一排已開始〝炮〞出路指南。原來我比一班會考生更緊張。哈哈！

感恩，神真係好好，前一晚仲8號風球，心裡面祈禱快D落風 (平時好少咁迫切)，如果大風大雨，情況會好混亂。結果風球落咗，只係落下幾陣雨，當我地係室外就無雨，感謝神呀。

搵學校真係唔容易，我哋走過香港、九龍、新界，真係十級攰，不過係一個難得嘅經驗。

最後係葵芳Join返另一班團友時，有種打完仗之後見返自己人嘅興奮感覺，好開心。

雖然有D疲倦，但好享受同弟兄姊妹一齊去，彼此默默支持嘅時間。

團友們：無論大家成績如何，搵嘅學校如何，前面行嘅路如何，不要忘記今日神係你身邊嘅每一個幫助同安慰，要知誰掌管明天！

單車樂

噚日同馬可團友踩單車，由沙田到大埔。

第一次踩雙人單車，都幾得意喎，開始時真係唔太控制到，開車時要有默契，而且靠前面個位嘅技術 (即係我，其實都係無辦法中嘅辦法，多謝愷琳信任，哈哈！)感恩大家都平平安安。我試過坐後面，原來好得意架，有D小時候坐單車尾嘅感覺！

今次有人學識踩單車，有人受輕傷，有人要中途換車，有人要早走去補習，有人行錯路.....呢日都算係一個開心嘅活動。

返到沙田後，應要求去埋SNOOPY’S WROLD影相，太充實啦！

返到屋企先係惡夢開始，身上所有痛症出晒，尤其是對手，痛得好苦，訓唔到覺，竟然最唔贊成食止痛藥嘅我都捱唔住要食，夜晚4點更加痛到醒咗，最後要用暖水袋敷住，感恩可以訓到第二日，終於感受到痛症嘅厲害！人大咗真係唔捱得啦！

旺季

暑假係馬可團嘅旺季，好多平時少見嘅人都返到黎，成個團契變得熱鬧又開心。

今個暑假更加安排咗好多暑期活動，去Camp、海洋公園、踩單車、睇戲、打波、BBQ、沙灘活動、行山靈修、查經…………好充實呀！

希望唔會多到令大家透唔到氣啦，難得人齊，Enjoy吓 ！

以利沙 @ 東部華僑城

51團契去東部華僑城&東莞兩日遊，呢個地方唔錯喎！夠大、多地方行、風景唔錯，幾舒服。

今次係成個團契第二次跟團返大陸，除咗第二朝一齊靈修之外，無特別program，雖然少咗去camp site個種精心預備嘅program、叫人認真反省嘅分享、不過今次可以輕輕鬆鬆relax吓都好開心！

夜晚因為攰攰地返咗房休息，結果錯過同大家一齊分享〝XX感覺〞嘅precious moment，見到唔少人都津津樂道，真係有D可惜呀……唯有等下次啦！

出發啦........
茶溪谷入口

花田同太陽花都好靚呀

四季植物館

茵特拉根 - 歐洲小鎮風情，湖邊散步幾舒服

巡遊 一般

嘆吓茶 ，休息吓
有晚上有早晨，是第二日

呢個地方有好多綠化環境，樹上仲有大樹菠蘿參觀大芬油畫村

@機場

葉方去柏斯讀書，今晚送佢機，不過12月放假又返黎啦！

好耐無影貼紙相，無諗過竟然係機場即興影.....哈哈！

熊館 - 香港原創得獎泰廸熊作品展

有4個聖經故事 :

- 耶穌愛小孩

- 挪亞方舟

- 五餅二魚

- 少年大衛及牧羊人

愛神愛人的團契

剛過去嘅團契，相信大家都帶住唔同心情唔同感受離開。

呢兩日心裡面仍然好多思想，心裡面有D沉重嘅感覺……

係團契好長嘅日子，同大家經歷咗好多大小事，彼此間嗰份情係不容置疑，係實貴亦係感恩！

一直以來聽到大家唔同嘅分享，好似生活上嘅困難，開心有趣嘅事，都令大家更加了解，更加close去維繫呢一份情，就好似大家所講，呢份關係會去到老，亦都係我所期待。

對團契有種感覺 --- 大家識咗好耐，基督徒嘅身份已經好清晰，已經唔會成日將信仰掛係口邊，要做要知嘅嘢大家都好明！反而生活上嘅關心問候，好似更加埋身。

不過呢段日子好似少咗D嘢 --- 情 - 我地有，不過好似少咗令大家對信仰更加積極向前嘅火。

回想返好多令我被激勵同感動嘅分享，其實係來自大家同神嘅關係，或者係信仰裡面嘅掙扎。當我係你哋生活上見到神嘅工作，就好似再似提醒自己，呢個係有神嘅地方，亦都係我得力量嘅地方，而呢份關係就變得更寶貴同有分別。

團契係一個愛神愛人嘅地方，願意其他人可以見到我哋呢份愛。

希望今次週會嘅信息，比我哋帶來正面嘅鼓勵，叫我哋成為信仰路上嘅好同伴。

〝他們恆心遵守使徒的教訓，彼此相通、擘餅和祈禱。他們天天同心在殿裡恆切地聚集，一家一家地擘餅，存著歡樂和誠懇的心用飯，又讚美　神，並且得到全民的喜愛。主將得救的人，天天加給教會。〞使徒行傳2:42,46-47

星期六朝早...

星期六朝早最怕電話響，因為多數都唔係好事！

呢個朝早，團友仔打比我話有事返唔到團契，可唔可以幫佢搵人代佢做司事。

經過了解、表達立場、建議之後再反建議、要求佢自己搵人、到最後處理好，就帶住一個複雜 + 低落嘅心情出門口。

心裡面反覆去諗：

~活動唔係一早安排好嘅咩？如果係重視團契，點會咁輕易放棄？
~但係佢心目中，可能真係未感受到信仰同團契嘅重要！
~佢已經比一D人好，起碼朝早都會打比我交待，有D安慰，唔會人影都無，但呢個係合理嘅Standard咩？
~講到尾，少年人需要導師帶住一齊成長，佢地唔進步，我真係可以無責任？

最近上〝青少年教育〞，講嘅資料都好有用，好想做多D，不過需要唔少時間同心力，少年人嘅工作唔易做，但係又好重要，求神加力，比我有智慧同愛心，成為一個好導師，幫助大家成長。

其實係呢個團契，神叫我認識多咗自己，以前逃避唔想處理嘅問題，依家都開始要去解決，希望自己可以同大家一齊進步！

馬可長洲之旅

今日馬可團參加建道神學院開放日，想藉此叫弟兄姊妹認識神學教育多一D，有參觀宿舍示範單位，亦有聽講座。團友仔參加講座唔太明亦有D悶，不過參觀示範單位時就好D，亦可以了解神學生嘅小小生活空間。

今次我哋見到梁家麟院長，細倫(梁家倫)又係度，梗係要介紹佢地認識啦！仲可以一齊影相，好開心呀！梁院長話已經認識第五個跟佢同名嘅人啦！

大家最開心就係四維逛吓長洲，團友仔第一次遊長洲呢！我地經觀音灣海灘出去，經過珊珊練風帆嘅地方，仲參觀最港最耐歷史嘅長洲浸信會。

今日大家食到好多美味嘅食物，好似建道雞翼、長洲壽司、大粒魚旦、螺旋形薯片、糕點，真係由落船食到上船！

聖經問答比賽

噚日聖經問答比賽完滿結束，雖然以利沙同馬可都贏唔到，但係過程都好開心。

其實攪一個全教會嘅活動唔係一件易事，要用好多人力物力，不過見到參加嘅團契都投入，大家都好落力去支持自己人，又熱鬧又開心，都係值得，辛苦晒負責嘅籌委。

好鍾意一個好耐無見嘅情境，係正堂出面同office，好多弟兄姊妹都好專心去睇聖經，作最後衝刺，好有屬靈氣氛，真係難得，哈哈!! ^v^

Sound Of Elisha - 〝考考你〞答案篇

1. 白兔最鍾意打冷，重要同知己良朋去，因為個種感覺好Warm喎！ .
2. Tony有250度近視都唔戴眼鏡，唔怪得有時見他咪咪眼那麼迷人啦！
3. 西瓜會用黑白設計，呢個就係西瓜Style啦！
4, Emily認為訂情信物最重要，因為能找到一段兩情相悅的愛情係好難得，所以會好好珍惜對方送的禮物
5. Sampson可以游60個直池。嘩！都好勁呀！但我相信一定唔係最近的紀錄。
6. 96年11月24號係Bonnie、Forrest、Kitman的浸體大日子呀！
7. 家虹自細已鍾情於朱古力味的雪糕啦！
8. Sandra最怕食牛油果，實在太難入口，太難食啦！
9. Co Co最鐘意鬱金香，因為好鐘意荷蘭。
10.敏儀的拿手小菜是糖醋排骨。因為鐘意食，整得多自然好味道啦！
11.祥仔在2001年8月份的體重是181-183磅，嘩！都唔講得笑！看來都是時候正視啦！

呢D都是7年前嘅答案，唔知有幾多答案唔同左呢？

Sincere，我有多一本，星期六帶比你啦！

Sound Of Elisha

執書櫃嘅時候，發現呢本〝Sound Of Elisha〞，係2001年8月22號嘅出品。(即係7年前啦！)

唔知仲有幾多以利沙團友keep住呢？

睇返大家嘅分享，覺得呢本書真係屬於以利沙團，一邊睇一邊會心微笑。

以下係其中一D內容：

有一天假期，你想同弟兄姊妹怎樣過呢？

Alex：先去飛鵝山睇日出，再去川龍飲早茶，貪個種舊式茶樓的感覺夠特別同懷舊；之後係大帽山放風箏，一齊彈結他，唱詩歌；然後去白泥睇日落；跟住入番元朗食田中壽司，又好味又大件；最後去大棠數星星。

月英：同一班姊妹一齊煮飯，食不同美食，交換心得！

Bonnie ：我想同大家一齊合演一套舞台劇。大家經過長時間的綵排，好認真去演繹跟自己不同的角色，一定好得意，這種回憶必會好難忘。

Tony：到郊外燒烤，但係最好有雞中翼同咖喱魚蛋！

Kennis ：一天？太少了，如果真有這機會，我想同大家一齊上太空漫步！因為，跟弟兄姊妹去wild camp時抬頭望天，大家都對漆黑一片的星空讚嘆不絕，的確對於我們這些都市人簡直是一種享受。所以，假如可以在無重狀態下跟弟兄姊妹一起飄浮，全無壓力下relax 一下， 接近一下太空，觸摸一下星星，那種感覺真是好得無比！

〝考考你〞，唔知大家仲識唔識答呢？

1. 白兔最鍾意食邊款菜式呢？
a. 日本菜 b. 打冷 c. 燒味

2. Tony有幾多度近視呢？
a. 150度 b. 200度 c. 250度

3. 如果有一間屋，西瓜會用邊個設計呢？
a. 柔和 b. 黑白 c. Cyber

4. 以下三樣，邊樣Emily會最珍惜呢？
a. 十萬元 b. 兒時相片 c. 訂情信物

5. Sampson的最高紀錄中，可以游多少個直池(25米)呢？
a. 30個 b. 45個 c. 60個

6. 你地記唔記得/知唔知係96年11月24號有邊3位團友受浸呢？
a. Bonnie/Cison/Sandra
b. Forrest/Kitman/Bonnie
c. Kennis/Oliver/Donovan

7. 家虹最鍾意邊種味道的雪糕呢？
a. 曲奇妙趣 b. 芝麻 c. 朱古力

8. Sandra一定唔會食以下邊種生果？
a. 黃皮 b. 大樹菠蘿 c. 牛油果
　
9. Co Co最鐘意以下邊種花？
a. 太陽花 b. 鬱金香 c. 百合

10. 敏儀最拿手的小菜是？
a. 豉油雞翼 b. 糖醋排骨 c. 蒸桂花魚

11. 祥仔在2001年8月份的體重是？
a. 171-173磅 b. 175-177磅 c. 181-183磅