Creme Brulee

最近公司樓下開了2間cake shop，再次愛上法式焦糖燉蛋......

TWININGS - LEMON SCENTED

自從樓下間百佳搬咗去較遠嘅商場之後，雖然變咗百佳超級廣場，大好多，不過唔就腳，所以都少咗幫襯。

點知今日係裡面發現到我最愛嘅檸檬茶包，係以前嗰間無得買架！每次都要去〝一田〞入貨，而家安樂晒，唔使再去咁遠買。

超級廣場果然係有D分別！

呢隻茶包，有好清香嘅檸檬味，真係可以令我有Refresh嘅作用。

機場一日遊

一直都鍾意去機場，每次踏入去就有旅行feel，加上Terminal 2開咗之後，多左野食，又可以睇4D。

今日終於可以睇〝阿凡達〞啦！前一排上映成日都Full，今日唔係假期，成間戲院得幾個人，好大分別。
4D多左水花，燶味，肥皂泡，風.......幾好呀！不過今次係特別版，比之前多咗8分鐘 (都唔知多咗邊part)。

今日係機場行下書店，食完野睇戲，之後再去睇飛機降落 (一直都好想睇)。

咁就一日啦，時間真係唔夠用。

Starbucks x 荼餐廳 Crossover

睇到一篇報導話中環有間Crossover嘅Starbucks，上星期終於有機會去見識吓。

去到門口，無咩特別呀！入到去望下左右兩邊，同其他Starbucks一樣咋喎！心裡一沉：『唔通又一失實報導？』


當我帶住失望嘅眼神四圍望時，發現茶餐廳原來係直入最篤，心情即刻興奮無比。(心裡嘅期望失而復得？！哈哈)


真係好有懷舊feel喎！

第一次嚟好有新鮮感，好得意。

下次有機會可以約D朋友嚟飲杯嘢傾吓計，不過就好大機會比人攝入鏡頭，因為都有唔少人係度影相。

最後帶住一個好開心嘅心情離開。

食 〝服務〞

上星期去咗新港中心鼎泰豐食飯，佢哋嘅Service真係好令人欣賞。

7點幾去到攞位，行咗一陣返去已經過咗幾張檯，心裡有D焦急，唔使由頭再等呀！？侍應小姐好有禮貌咁話我知，只係過咗幾張無問題，不過我朋友未到，所以都入唔到去，不過佢地仍然好好招呼！

坐低之後，其他Waiter嘅服務都好好。不過最驚喜竟然發生係洗手間！

當行到去洗手間門口，已經有一個好好笑容嘅嬸嬸同你打招呼，再好殷勤幫你開門，安排你去一間乾淨嘅廁格，之後幫你開水，遞紙巾，再以笑容目送你離開，簡直係酒店式服務，而且佢對每一個客人都一樣。

有D人可能覺得佢地過份熱情，但我就好欣賞，好嘅服務會令人好舒服。

有時去餐廳食飯係食佢嘅環境，呢度就係食佢嘅服務。

2008 Merry Christmas

聖誕節行吓街，睇吓唔同地方嘅佈置都幾開心，見到好多禮物packing都好靚，就算無買到，見到都好有節日氣氛。

IFC

又一城

海港城

海運大廈

新城市廣場

香港站

澳門

Carrie Chau's art @ times square

Times Square久不久就會有一D展覽，最近係Carrie Chau嘅作品。

見到咁多又大又colourful嘅公仔，background又靚，有D脫離現實世界嘅感覺！

最欣賞佢係扶手電梯上面嘅佈置，夜晚開燈之後特別靚。

Relaxing moment @ 白沙灣

上星期日去西貢白沙灣，先去碼頭行吓，之後就係Hebe One O One下午茶。

除咗傾計，就係影相。

鬆一鬆

最近鐘意咗焗桑拿，尤其是一覺得煩煩地嘅時候，就好想去焗一焗！

係高溫裡面，令自己靜一靜，出完一身汗，感覺輕咗D。

都係需要鬆一鬆!!

魚鱻魚湯專門店

好多人介紹福來村〝魚鱻魚湯專門店〞，話D魚湯好好味，終於行過又記得去試吓。

Sherry介紹嘅〝番茄肉碎魚湯泡飯〞，真係好好味呀！


下次係荃灣食lunch，除左Citylandmark後面排長龍嘅小鍋米線之外，仲可以去呢間。

Essence @ 東薈城

好耐之前聽聞東涌東薈城酒店嘅buffet唔錯又唔太貴，不過要book成個月先有得食，終於約咗幾個朋友去Essence試吓。

去之前，有人話呢度質素差咗，即刻有D擔心。

最後每人$200，以呢個價錢，其實都OK喎，都幾多選擇，味道唔錯啦！因為夠大，傾計食飯都幾舒服。

今次嘅組合都幾特別，4個舊同學 + 1個舊同事，好似無咩共同關係，新組合新火花。

講學校時，舊同事無共鳴，講青獅活動時，同學K因為無參與過，亦唔知我地講咩。似乎大家都係少D〝想當年〞，多D新話題好D！

Lunch @ 伊呂波

今日係第2日假期，同媽咪約埋家姐係銅鑼灣食Lunch，因為想帶佢試下呢間好好味嘅日本燒肉。

D牛肉真係好好味！ 而且食到好飽呀！

之後家姐返工，我地就去行SOGO。

我發覺自己越黎越唔鍾意行街，而且放假去返公司附近嘅感覺都幾差，太有返工feel啦，一D都唔Relax。

下次都係有咁遠離開咁遠啦！