五色甜品班

五色甜品班係上星期五開始啦！弟兄姊妹 + 新朋友總共有14位參加。

第一堂學嘅甜品係整綠茶海綿蛋糕，見到大家學得好開心，成間教會都充滿好香嘅蛋糕味！非常熱鬧！

今次有8個新朋友，我地每次會以一種顏色去介紹信仰，希望大家可以了解多D。

感恩之前所擔心嘅問題都解決，好似借焗爐、借用具、怕電力負荷不到……….全部都攪掂。

雖然預備同善後嘅工作真係唔少，不過反應都幾好，而且因為問好多人借野，大家都關注呢個福音活動，又可以邀請到新朋友，都係值得嘅。

多謝所有台前幕後嘅工作人員鼎力支持。