財務兄弟

前一排〝財務兄弟〞有個廣告 - 裡面有個肥叔叔，不停阻止D人簽咭。

〝唔准咁好味呀!(係酒樓食飯)，仲有十幾年card數你捱呀〞
〝唔准咁多friend呀(book左間大房唱K)〞
〝唔准靚 (買緊衫)， 你份糧夠還息咋！〞

最後，財務兄弟出場打低呢個肥叔叔，個班已經揹住成身咭數嘅人，就可以繼續碌咭。

呢個廣告嘅意識好唔得，如果一個人已經成身咭數，唔再亂洗錢係正路，但佢哋反而鼓勵大家負債唔緊要，最緊要可以繼續玩，繼續享受….….呢種諗法有問題喎！

佢嘅廣告都幾易令人留下印象，希望唔好咁多人被影響。