大個左，你又相信嗎？

有關之前既題目，阿May回應：『咁大個左，d人又會講咩呃人呢？』

我諗以下既說話大家都聽唔少！

朋友：『呢個秘密我淨係話你知咋！』(其實所有人都知)

老師：『求學不是求分數，盡力就可以啦』(想入大學，搵份好工，唔睇分數真係得？)

老闆：『比D心機做，有好表現，公司一定睇住你架！』(真係會？？)

係街遇到好耐無見既朋友：『遲D call你出黎食飯啦』(可能連電話號碼都唔知)

時裝店sales：『靚女！你著呢件衫好好睇喎』(可能講左兩個大話)

酒樓部長：『今晚D蝦好新鮮呀！專登留返比你架！』(又知我會去)

賣菜阿姐：『見係你咋，送多幾條蔥比你啦！』(其實人人都有)

生果老闆：『D橙真係好甜，唔甜你返黎搵我啦！』(第二日即刻去搵佢)

牙醫補牙時：『唔痛既，好快攪惦啦！』(痛到飛起，點解呢幾分鐘好似咁耐都唔完既)

呢D說話，你信左幾多呢！