去街必備

唔知大家出街既時候，有無一D必備既物品，如果無帶可能會成日都囉囉攣呢！

對我黎講，無左以下幾樣野，就會好唔安樂：

- 潤唇膏 (其實有帶都未必成日搽，但無帶就會覺得個嘴乾到爆)

- 筆 (無咩記性啦，有時突然有野想寫低，無枝筆真係唔得，所以有次走左入間書局借枝筆寫返低D野)

- 電話 (其實都無咩人搵我，但電話唔係身真係無安全感，不過去旅行我就唔會帶電話)

- 錢 / 八達通 (1蚊都無就真係爭D安全感，其實有車費都ok，起碼可以返到屋企)

- 鎖匙 (如果屋企無人，又唔知要等幾耐先返到入屋，個種心情都幾無助)

如果去旅行，相機一定係必備。上次係台灣相機無電，對我黎講真係一個打擊，哈哈！