誰為恩主救亡羊 - 葉陳淑淑

〝誰為恩主救亡羊〞係團契今年讀書分享所睇既書。好多人都話呢本書好好睇，我雖然趕唔切係分享之前睇晒，但終於都完成左啦！果然係一本好書。

書中有唔少令人反省同鼓勵既經歷：

作者對福音既熱誠 – 每次遇到唔同既人，都用盡智慧同方法，引入福音

對禱告既重視 – 當遇到福音對象時，就開始為對方禱告；遇到困難時，第一時間求神幫助

倚靠神得智慧 – 當遇到唔易解釋，唔易處理既事情，靠住即時禱告，神就比智慧去處理

對神順服 – 當神要佢放棄名利，將職位讓給一個猶太拉比，顯出神既愛心，作者雖有掙扎，但亦順服，以致呢位拉比轉信基督教，帶更多猶太人信主

夫婦同心、彼此配搭 –丈夫係佢最好既禱伴，時時為福音對象禱告。一齊去探訪，傳福音時，當作者去講，丈夫就專心以禱告支持

神恩典既記號放係當眼處 –作者掙扎於軟弱既時候，當見到仔女既相，就想起神曾醫治患嚴重自閉症既仔仔，對佢一家既恩典，令佢堅決倚靠神

作者葉陳淑淑傳福音既經歷，再次提醒我福音係神既大能，人既問題有幾大都好，唯有信耶穌，先可以叫佢搵到解決方法。

願神興起我地火熱既心，看重靈魂既寶貴。