背影

星期一已經頭痛，尋晚終於喉嚨痛加埋咳，今朝早無返工，病向淺中醫，所以快D搵大夫醫病。過海之前，同媽咪落留下食埋早餐先，其實時間好趕，我食完就走先。

上左車，忽然見到媽咪係巴士站，望入車裡面搵我，當佢見到我已經坐好之後，就好安樂去銀行啦。

個一刻，諗起中學時既一篇中文課文---朱自清既〝背影〞。作者爸爸係車站送行時，為佢安排行李、選擇坐位、仲有一D細節。最後更特登跑到另一邊月台買生果返黎。作者見到爸爸既背影，當中充滿爸爸對仔女一份不能言喻既愛，由細到大所建立既一份親情，令佢心中有感而發。

平時，媽咪好少去車站送我，或者今次怕我病，又怕我趕時間，所以唔放心。而我那一刻既感受就係〝背影〞。

以前唔明呢課書，但係人越大，對書裡面所講既，又多一分共鳴。

http://www.chinapage.com/big5/prose/back.htm