Doctor Nice Vs Doctor Cool

我覺得醫生除左醫術好之外，對病人既態度都好緊要。

最近既感冒已轉變成久咳(我次次都要成個月先好番)，我又有機會搵好nice既姚醫生啦(一位大概五十幾歲的醫生)！佢醫咳有一手，但最重要係佢親切既態度，會令你好放心，好舒服，雖然未食藥，但心裡面已經覺得好左d啦！

醫生用親切態度對待病人好重要架！我記得有一次，食飯時以為梗骨，去了附近一位耳鼻喉專科求醫，那位醫生好cool，令我原本緊張既心情更加緊張。當佢放一枝儀器去我近喉嚨既位置時，正常反應梗係有d反胃啦，結果又要試多次，試左兩三次都唔得，佢就黑面話〝你唔忍住，我點幫你呀！〞。我當時都好想合作，但控制到先得架，比佢既惡劣態度攪到我更加緊張，即刻無晒求醫意志啦！之後我同屋企人講，以後都唔會再搵佢醫病呀！

我相信，做邊一個行業都一樣，唔單止要用專業知識做好份工作，重要用個心去對待身邊既同事或者客人，我地既態度係會影響對方既心情同反應，佢地係會感受得到架！