道風山 - 與神對話

原本打算生日去退修，點知訓晏咗，又落雨，所以最後去Starbucks睇書，心裡祈禱第二日有好天氣。

感恩今日天氣好好，終於去咗道風山退修默想，諗吓2010年嘅計劃。

已經好多年無黎過，由沙田火車站行上山，原來真係有D辛苦，不過上到一個咁寧靜嘅環境，真係好舒服，心裡面終於可以靜落黎，同神好好咁開始對話。

第一站 – 十架

當我走入窄門，提醒我打從決志一刻，呢個信仰就係一生一世。

係窄門嘅另一面，好靜，雖然無多姿多采吸引人嘅元素，只有風聲、鳥聲、樹葉聲，不過呢D全部都係神嘅原創，充滿智慧，最重要係寧靜中叫我可以聽到神嘅聲音。

感恩亭 - 裡面有幾幅聖經故事嘅圖畫，其中浪子回家嘅故事比我有一D感受。

活在主內 - 我嘅生活有幾多%屬於神、有幾多%屬於自己、有幾多%屬於別人呢？

十字架上面有〝成了〞兩個字，耶穌所做嘅一切，今日對你對我仍然重要。

當我行出窄門嘅時候，我知道唔係就咁離開，係要帶住最基本嘅使命 – 將耶穌嘅故事帶比身邊遇到嘅人。

第二站 – 明陣

第一次用明陣去默想祈禱，好好嘅體驗，適合自己一個係無壓力之下同神面對面。

最後諗番今年嘅計劃，係〝聖殿〞祈禱結束。

感恩神比我有適合嘅天氣同一個好嘅地方獨處，係神裡面重整自己，一整年裡面大部份時間都活係唔同聲音之下，終於可以聽吓神嘅聲音。

離開道風山時有D擔心，好怕自己返到人群之中，又會將神嘅說話放低。請記念，求天父比我哋有一顆愛神愛人嘅心，生命裡面嗰團火可以越燒越旺。

天父多謝你！