七月十四

本來想約一個朋友聽晚出去，點知佢好快拒絕，原因呢日喺舊曆七月十四 --- 即係盂蘭節。

佢話呢個日子不宜出夜街，我相信係大家聽得太多鬼怪故事，所以令人不寒而慄。

其實我已經無再因為呢個節日有不安同恐懼嘅感覺啦！以前會怕鬼，覺得佢地有D好神秘嘅力量,所以好無安全感。

後來睇聖經，裡面清楚話我知，一切鬼鬼怪怪嘅嘢都喺由撒旦而嚟，不過耶穌比佢勁，而且佢一定會睇住我，所以一有不安嘅時候，諗起耶穌就覺得好平安！

有一段經文比我好大安慰：

『那殺身體不能殺靈魂的，不要怕他們。惟有能把身體和靈魂都滅在地獄裡的，正要怕他。』 (馬太福音10:28)

雖然鬼有好大能力，不過真正有能力嘅係神，要怕都應該怕神。