呢兩日請左假，第一日我地去左山頂，依家凌霄閣摩天台起高左，要收入場費先可以上去，因為太大霧，D景麻麻地，所以無上到去，行左一陣，搭返纜車落中環。夜晚去左花園街〝通達〞食魚肉翅，行埋女人街，9點左右返屋企，一上巴士，我就覺得好疲倦。
第二日朝早先同我媽咪飲茶，之後我地去左尖沙咀。未出發之前，我發覺帶左相機但唔記得帶電，好沮喪！Pionne話用佢部機，點知……好快都無電，極度沮喪！呢D時候無相機真係有D遺憾，唔可以將珍貴時刻影低。無辦法啦，都照出去行下，去到九龍公園，諗起佢部電話都有200萬像，都好啦，可以同Isaac影番幾張相。黃昏約左Sherry係大窩口個公園同Isaac玩，小朋友真係充滿活力，好似唔使停咁。公公話Isaac係香港就開心，返美國之後，好快就冬天，到時又落雪又凍，就無得出街玩啦！兩歲既Isaac真係好可愛，唔怕陌生人，又鍾意笑，好易同你熟，睇住佢跑下跑下個樣真係好得意，佢依家識講好多野啦，仲識叫我〝契媽〞添！
跑呀跑.........
玩車車
好辣！
比你食！
Posts
4 comments:
真係好開心喎,雖然我唔可以同你地一齊去玩,但係仍可感受歡樂,Issac真係好可愛,最好係佢唔怕醜,真係好得意呀!
我都係咁話呀！希望下次可以見埋細佬Ian啦！
I am so happy about you guys pay so much attention to them. I feel so special and so proud to have them. Thanks.
小朋友是可愛的天使呢！
Post a Comment