眾裡尋〝她〞

有一日行入一間Monchhichi專門店，心諗：『唔好比我見到佢呀……』。結果，媽咪搵左好耐既大隻喊包Monchhichi，出現係我面前。

因為我唔想見到Monchhichi成日喊既樣，所以一直都反對佢買，但佢實在太鍾意喊包又可憐又可愛既神情，所以次次去街我地都會搵下，可惜斷貨好一段日子，成年都買唔到。

見到佢個一刻，真係D猶豫，心諗真係要帶喊包返去？不過諗起前一個禮拜，同媽咪去街既時候，佢仍然好想搵到佢，既然係咁，算啦………！

哈哈，母親節我地又多一個新成員啦！相信亦係最後一個，因為媽咪成日都話『人滿之患』，屋企已經無位收留，唔可以再買啦！(贊成呀！)