天國在人間

4月22號晚參加敬拜者使團〝天國在人間〞敬拜音樂會。

其實自己對呢類型既敬拜音樂會係有D猶豫，可能以前聽過一D比較靈恩既經歷，例如會眾會係當中有D誇張既反應.......不過，今次感覺都好好。

佢地有五百人組成既詩班、又有管弦樂隊、舞蹈隊、5個主音，主席領詩的氣氛好好。

當中有D部份都好深刻：

- 詩班係開show之前就自發性玩人浪，佢地既敬拜情緒都進入狀態，令在場既人都開始預備心情
- 管弦樂隊唔需要彈奏既時候，都好自然跟住一齊唱詩歌，全程投入。
- 其中一位主音被會眾敬拜既氣氛感動到落淚。
- 司琴由頭彈到尾；見證同講信息時都以詩歌伴奏；唔單止專心彈，重投入咁跟住唱，好欣賞。
- 詩班同台上既人，都用好投入，好喜樂既心去唱，好能夠感染大家。

- 當唱快歌既時候，唔單止主音、詩班好投入，手舞足蹈，就連拉小提琴同大提琴既幾位弟兄，都跟住節奏揮舞提琴弓，甚至舉起個小提琴添，好配合詩歌既喜樂訊息。

原來，大家既投入，就係獻比神最好既敬拜。