BBQ

上星期同馬可團一行14人去左大帽山BBQ，開頭仲驚唔夠食，結果都係有野剩。

諗住買D環保炭啦，原來唔係幾好用架，好快燒完要換炭，仲要燒到D食物黑麻麻，好似白雪雪既墨魚丸就變左粒炸魚旦啦。

原來阿方同阿豐燒野食都有番咁上下，一個燒到D雞翼金黃色，一個燒到D魚旦漲卜卜。阿燁仲有創意，燒朱古力蛋糕同即食魚肉腸添。

食飽左，大家就圍住個爐玩〝Bing、砰、嘩〞，輸左十次要爬上樹比我地影相架！結果.........8豪哥哥成為大輸家，佢係樹上面仲話會記住我地呀！

咁下次再玩過囉，可能會反敗為勝呢。哈哈！