無錢埋單

近呢半年都幾失魂，試過兩次食完飯無錢埋單。

有一次係公司附近lunch，食到一半時， 突然記得無帶銀包，點算呢！唯有打比同事，睇下有無人係附近啦！點知幾個都係公司，又唔好意思叫人特登走落黎，最後唯有搵同事兼團友既Pocky黎救我啦。

另一次，地點係教會留下，今次有帶銀包，不過用晒D錢。以為係教會附近應該好D啦，結果都唔知搵邊個好，自己既團友又唔係到。唯有硬住頭皮同老板講啦，佢又好人喎，無條件放我出去攞錢返黎。

經過呢兩次之後，無辦法唔相信自己係咁大頭蝦，唯有放定D錢係銀包以外既地方，以備不時之需。