這個聖誕真快樂

今年12月23號，教會預備左一個佈道會〝這個聖誕真快樂〞。原來仲有兩個禮拜就係啦！開始有D緊張。

雖然講員、見證嘉實、主席、獻詩都已安排好，但總會擔心當日有特發情況。依家各團契已開始幫手派單張，亦邀請左弟兄姊妹幫手做陪談員，希望大家都努力邀請對象黎呢個聚會啦。

我都透過以下呢張E-card，邀請左十幾個親朋戚友，希望佢地都會黎。

http://web.mac.com/hoijoe/iWeb/Site/Invitation.html



最近靈修用RBC Ministries出版既〝愛的禮物〞，其中一篇文章比我好深刻既印象。

一位媽咪為佢個小朋友慶祝生日，但係為左呢個聚會可以好玩D，唔使分心照顧呢位小朋友，竟然將佢放係婆婆屋企照顧，無預佢出席生日會。如果呢個係一個事實，都幾荒謬呀！生日會竟然無左個壽星仔。

其實聖誕節都係為左慶祝耶穌出世，但係依家既慶祝活動，好似都只係為左比大家Relax下，狂歡下，似乎大家都忘記左真正既主角係邊個。耶穌每年都好想同我地一齊歡度呢個大日子， 唔知我地可唔可以係密麻麻既約會入面，抽返D時間同佢慶祝呢！