學生時代.....

學校開學已1個月有多啦，雖然同我無咩關係，但可能依家以旁觀者既心情去睇，有時都好留意d同學仔，當經過學校區既時候，好留意佢地既打扮同舉動。有d人既校服好白好乾淨，仲燙得好靚，個髮型都整齊d，但有d人件校服就好黑好舊。

記得以前長假後第一日返學，心情好複習，一方面會為d新用品而開心，好似有新書包，新筆袋，新鞋，新書，老師又會唔同，同學又會有d變，不過可能熟悉既同學轉左第二班，新既班主任又唔知好唔好人，又要面對功課同考試，都有d忐忑不安。

平日返工時會經過d學校，好自然會留意d學生，同學校裡面既情形，見到佢地係球場打波，係小食部買野食，係操場集會，都令我勾起學生時代既片段。

雖然我唔係特別享受讀書年代，但如果以前既同學可以一齊重返校園一個月，過返d學校生活，無壓力之下，可能係一個好特別既體驗呢！