話說細佬受傷之後，屋企人以為佢唔係太大件事，舅父諗住嚇下佢，就話醫生要好大力咁幫佢拗番正隻手，會好痛架。結果去到醫院後，細佬同醫生就展開以下既對話啦：
細佬：(一見面即刻講) 醫生呀，麻煩你幫我全身麻醉呀！
醫生：全身麻醉呀！你發生咩野事呀！
細佬：我舅父話你會幫我拗番正隻手，好痛架喎！
醫生：哦！等我幫你睇下先啦！
細佬：(諗住醫生會幫佢麻醉，好認真禁講) 醫生，唔該晒你呀！
當時佢媽咪見到佢咁認真既樣，真係覺得好攪笑。(當時都未知真係要全身麻醉做手術)
有時小朋友既諗法同反應真係好得意。我記得好細個既時候(大概小學二年班)，有次跌親，個"菠蘿蓋"流血發炎，好耐都未好番，於是媽咪就帶我去睇醫生啦，當醫生係個袋到攞出一支黑色棍指向我個傷口時，我就好驚咁大叫：
"唔好扑我隻腳呀，好痛架！"
醫生就話：
"你唔使驚，呢支係電筒咋！我想望清楚個傷口姐"
諗番都覺得好笑！
Posts
6 comments:
我都試過小時候去荔園玩呢個架空火車，俾門夾到隻手指尾，流哂血，即刻去醫院，看到姑娘拿著把鉸剪我便大叫：『不要剪我隻手指呀！』姑娘說：『不是要剪你隻手指，我剪繃帶o者......』:-P
睇黎我地既童年時代，好多野都諗多左啦！ "多左呀"
大個諗得仲多啦!
又係喎!
係『多左』同『錯哂』！
^v^........
Post a Comment