飯後我地玩層層疊，當你以為d積木會跌既時候，佢又好穩陣喎，但始終都有完結之時，結果我係第一個輸左囉。
之後我地玩啤牌
，先來一個潛烏龜，原來7個人玩係要玩好耐嫁，好在我唔係大烏龜，哈哈！"噤"棉胎都好好玩架，仲發現左其中一位同事係不能一心二用，當佢掛住數牌時，就不能專心拍張牌，所以最後成手都係牌。
最後我地仲玩左一個啤牌遊戲，大家各派4隻牌，跟住頭一人要摸牌，如果同手上的牌不能湊成4隻一樣，就pass比下一個，如此類推，直到有人4隻牌都一樣時，就要摸鼻，呢個時候大家都要鬥快摸鼻，否則輸了就要罰。我個位同事因為不可以分心，結果差不多次次都最慢，當佢發現大家都摸住個鼻時，佢既表情真係好得意
！哈!當大家聚埋一齊時，玩下集體遊戲，真係幾開心架！
Posts
8 comments:
呢間野係邊? 我去過旺角果間樓上CAFE都唔錯..是無煙CAFE ..
我去個間係銅鑼灣百德新街，近住miss sixty，不過就可以食煙，但係個日都不是太多煙民。
下..食煙??
搵日約你去無煙果間 ..唔錯0家..環境又好... 又或者約你去食日本野 ..
好呀, 如果有其他人join我地一齊去, 仲可以玩下uno, 層疊疊呀!^v^
UNO? 我喜歡玩, 幾時得閒? 好wo..多d人去好玩d ..你叫其他人join埋一齊玩
果個摸牌GAME叫 7 級'朱'. 不過掩鼻就唔夠激, 學下我地搶一亳子. 如果有 6 個人, 出面就有 5 個一亳子. 如果最慢搶唔到就叫輸. 睇下我地地 d 玩成點.. :-)
http://ahyuen.smugmug.com/gallery/1375377/9/64931443
真係好剌激喎，下次我都試下先。^v^
玩七級豬時，輸一次就係一級豬，兩次就係二級豬，如此類推。
仲有低級豬係唔可以應高級豬，應左就升級。
最先做七級豬果個就輸
Post a Comment