鮎魚前夕

超級強風『鮎魚』越黎越靠近香港，今日公司都好似準備定會打風，話題同心情都係環繞呢條魚。

Lunch之後，全公司電腦出現故障，連電話都有問題。結果，全公司分兩種人，IT同GA同事好緊張咁救亡，預備一D善後工作，而其他同事就暫且可以休息下(雖然知道一定大把手尾要執)，Hea下傾吓計。

最後，可以好準時6點就預備放工，我地都帶住輕鬆心情離開。見到一D平時要OT到8點幾嘅同事都開開心心放工，真係有D感觸。

其實正常嘅作息時間先可以培養到健康情緒，可惜聽日大家又要打回原形，身邊同事又會帶住耗盡嘅負面心情返工。