Octave

『一期一會』之後，好想睇舞台劇，結果選擇『柯廸夫Octave』。

『原來....我已忘記了自己真正的聲音』
『柯廸夫 - Octave，音樂上的八度音階。就似人生，若你只敢將聲音游走於一個Octave，當然平穩過渡。你敢將你的音域擴闊到兩個，甚至三個Octave嗎？生活自此會如履薄冰，容易走音，但人生才會變得悅耳有意思。』

一班中學同學有一個共同夢想 –參加Drama比賽表演『柯廸夫』，10年後，大家都被身處嘅現實環境改變，失去童真、失去夢想、失去快樂、失去堅持、失去愛心、失去心裡面一D好重要嘅元素………生命變得沉重。

終於，一把心裡面嘅聲音 - 柯廸夫，重燃一團已經熄滅嘅火……叫佢哋再次搵返生命嘅動力。

我哋都曾經有一D想做嘅事、令自己向前嘅動力，或者叫做目標、夢想、一團火。

我覺得呢團火可以燒得最旺嘅時候，應該係青年時代，呢個階段開始有自己諗法，未有社會壓力、仲未開始現實生活嘅包袱，就好似劇裡面嘅主角。不過10年後，我哋又會發現自己不知不覺改變咗，尤其是最重要嘅心態。

成長只會令人失去？定係我哋無捉住、無堅持一D唔可以缺少嘅生命元素？

還年輕時，要尋找你嘅柯廸夫。
當心裡面嗰團火開始熄滅，要重尋你嘅柯廸夫。