父親節

今日係父親節，去咗圓玄學院，幫Daddy清潔下張相，放好支太陽菊。

望住張相，諗下以前嘅父親節係點慶祝呢？印象好模糊，好多年啦，真係無具體記憶……

有位嬸嬸問我要唔要裝香，我話唔使，望住Daddy，我係度諗，究竟將來我哋可唔可以係天堂見返呢？以前有無人向佢傳過福音？有無接受過耶穌嘅救恩呢？其實我知唔會有答案，真係要將來返天家先知。

媽咪成日都講：『父母健康時唔好好孝順，等人老咗咩都食唔到行唔到就無意思，生前請佢飲茶好過死後比隻雞佢。』

呢一刻，我望住張相，可以做嘅只係抹吓個碑，跟住就無其他野可以做。

心裡面有種諗法 – 珍惜身邊人、把握機會傳福音。身邊仲有好多親人，仲係現在式，仲可以關心佢哋，仲可以介紹耶穌比佢哋認識。