靈魂之窗

自從公司搬位之後，由於背住個窗對住電腦，陽光反射嘅情況令雙眼唔係好舒服。

不過呢幾日對眼特別唔妥，尤其是一到傍晚，對光線就特別敏感，覺得唔多舒服。今日睇醫生 (又作感冒啦！)，順便安排兩星期後睇眼專科，要check吓眼底有無事。

尋晚搭巴士見到一個有眼疾嘅婆婆，佢睇唔到嘢，見到佢一個人搭車真係好唔方便。

眼盲、耳聾、口啞都好影響人嘅生活，三樣之中，我覺得盲係最慘，因為睇得到就可以享受眼所見嘅影像，亦都可以透過見到嘅人、事物、文字豐富自己嘅思想，而且同人相處如果睇唔到對方表情，好似爭緊D嘢咁！

希望我對眼無太大問題啦！請記念！