『都是恩典』

噚晚係『都是恩典』話劇佈道會第一場演出，好感恩，亦都好感動！

之前唔知道故事改篇自弟兄姊妹嘅真實故事，當我再諗返嘅時候，一D片段都浮現係腦海，呢套劇真係屬於石蔭家！

由開始到結尾都無冷場，有笑位，一D感動位我唔敢去睇，唔敢投入，因為我仲要陪談呀！不過真係感動架！

見到唔少人眼濕濕，有位新朋友話故事好感動，而當講員每次提到『耶穌愛你』，眼淚就流出。我覺得神嘅說話真係好奇妙，神嘅工作真係充滿恩典。

台前幕後都好比心機，大家都做得好好，排戲雖然辛苦，相信神必會親自報答大家！