有一對夫婦結婚已經一段日子，好想有小朋友，到佢哋信主之後，為呢件事祈禱，最後佢哋嘅BB出世，不過呢位爸爸好快因意外離開世界。
好多人問神點解係佢哋最幸福嘅時候發生呢件事？點解神送佢一個小朋友但又帶走佢丈夫？點解神唔將最好嘅比佢哋？
有一日天陰陰，媽媽叫小朋友帶雨傘返學，最後因為落大雨，小朋友踢唔到波好唔開心，佢抱怨因為帶雨傘，個天先會落雨。媽媽諗：就算唔帶雨傘，都係會落雨，但正因為有雨傘，先可以擋雨。
呢一刻，佢一直以來嘅心結終於解開：就算未信主耶穌，丈夫都係會離開，但因為當時有神係心裡，有弟兄姊妹支持，先可以捱過最艱難嘅時刻，原來神已經將最好嘅比咗佢哋。
當我哋下次面對困難嘅時候，唔好再問神：點解係我！點解要我咁苦！因為神已經預備好同我哋一齊面對，佢已經將寶貴嘅應許比咗我哋。
你們所受的試探，無非是人受得起的，神是信實的，他必不容許你們受試探過於你們抵受得住的，而且在受試探的時候，必定給你們開一條出路，使你們能忍受得住 。<林前10:13>
13 November 2009
Subscribe to:
Post Comments (Atom)
Posts
No comments:
Post a Comment