你是一個消防員嗎?

Money係馬可團分享『作我的見證』，佢形容基督徒傳福音就好似消防員救火，好鍾意呢個比喻！

當消防員去到火場，只有一個目標，就係要救火救人，嗰份迫切性驅使佢哋用儘任何方法，唔會猶豫去救每一個人，因為知道對方一日仲係火場，都會有生命危險。

我哋身邊，好多人都仲搵緊人生意義，係生活上遇到困難時，搵唔到真正嘅出路，有時對生命有十萬個問號......

我哋認識神，知道神有幾好，係佢裡面搵到好多答案、好多安慰、好多平安、好多喜樂，好多精彩片段，最重要係神賜比每一個人都有永生。

我哋有無盡責任將呢份禮物介紹比身邊人呢？

希望我哋都有消防員嘅使命感！