旅行手信

今日我收到同事嘅日本手信，男同事見到，就諗住去收自己個份。

點知返黎時用一D酸溜溜嘅心情講出以下對話：
男同事：『原來得大圍嘅手信咋！都無買嘢比我。』

我：『算啦，買比你又唔知你鍾唔鍾意姐，上次有個同事比份手信你，你都唔鍾意，依家都唔知放咗去邊啦！』

男同事：『唔鍾意一件事呀！明明同佢一家大細都咁friend，又咩理由唔買嘢比我喎！』(幾驚佢會扁咀呀！哈哈！)
我仲以為男仔唔會介意有無手信添！再加上佢平時咁不拘小節，竟然今次有呢個反應，真係好攪笑！或者對方一家係佢心裡面真係幾重要。不過我知佢只係嗌吓，唔會嬲嘅！

手信同關係好唔好成正比？如果無手信會唔會代表大家無咁friend呢？

我好怕買手信架，因為要諗又要搵，如果大家收唔到，並唔代表我對你唔好，希望唔好介意啦！