『你睇我唔到』

『你睇我唔到，就當我唔係到』

一個電台節目，邀請一D社會上嘅隱形青年，隱形中年，隱形變性人，隱形精神病人，隱形……講吓佢哋嘅故事。

唔同嘅故事反映社會一D好真實嘅情況，佢哋嘅生活唔容易被接納，佢哋嘅心態唔容易去理解，或者我哋未必想去接觸，不過唔可以忘記佢哋都係香港嘅一份子，只係唔被社會大多數人接納。

一次援交少女嘅訪問，知道佢哋點樣比現今錯誤價值觀影響，以為呢個係輕易賺錢嘅機會，唔再尊重自己，錢對佢哋嘅引誘真係好大。

一次索K少年嘅訪問，睇到佢哋輕看毒品嘅力量，以致犧牲家人關係、學業、健康、仲要被人拉，幾經辛苦先可以正常返。

一次正生書院嘅訪問，學生嘅真情分享，令更多人可以了解佢哋，比我一份感動。

呢個節目成為一個平台，比機會大家知道社會上一D唔容易睇到嘅故事。

有時聽到佢哋改變嘅心路歷程，會覺得自己唔夠包容，睇到嘅只係一面。真係要學習接納、幫助、欣賞唔同嘅人。