神的時間表

今晚參加一個舊同學爸爸嘅安息禮拜，場刊裡面有佢地幾姊弟妹嘅心底話。

雖然認識呢位同學已經好多年，但從來只係認識佢面對朋友嘅一面，當我睇完呢本場刊，對佢有另一種認識，知多咗佢嘅童年，明白多咗佢獨立性格嘅由來。

十幾年前曾經同呢位同學去佈道會，決志後返咗幾次教會就離開，心裡當然覺得可惜。

不過神有佢嘅時間表，而且叫人相信係聖靈工作，幾年前佢係公司嘅基督徒小組重新開始認識神，仲係今年1月受浸，心裡面好感恩！

同佢傾計覺得佢唔同咗，雖然都係好剛強，但多咗一份嚟自神嘅柔和，佢好想家人能夠信主，好似佢爸爸咁，可以得到神嘅福氣。

願意係禱告裡面，神以佢嘅時間表，祝福我地身邊每一個。