老子．耶穌．衛斯理

今晚約咗同事睇〝以諾檔案之老子．耶穌．衛斯理第二回合〞，其實第一回合都有捧場，因為同事係倪匡嘅fans，所以就吸引佢去聽啦。

呢個Show唔係佈道會，只係由林以諾牧師以對談講座形式同倪匡、施永青傾吓大家嘅人生態度，比大家多D思想。

倪匡提到香港依家雖然面對金融海嘯，不過依然係幸福，佢試過真係窮嘅日子，係成個冬天對腳都無暖過 (唔計有D人對腳係唔識暖)，一年都未試過飽嘅感覺，講真依家又真係比較少人會有呢種經歷。香港人其實好幸福，一直都係物質豐富之下，依家由多變少，真係要學點去面對。

好想身邊朋友認識耶穌，希望透過唔同形式，吸引佢地有個開始去認識神，多一種角度去面對自己，調較價值觀。

係輕鬆嘅清談講座入面，希望同事有多D興趣去了解呢位神啦！