假期OT

聖誕節兩日公眾假期要返工, 除夕要OT到夜晚11點，依家開始喉嚨痛，感冒開始啦.....

知道要係呢D日子OT，最初無太大hard feeling，不過對住部電腦成日係咁做，最後個人吽晒，感覺係好攰，身體好攰，個心都好攰。

以前係公眾假期聽收音機，D人成日都點歌比返緊工既朋友，因為大家都覺得假期返工好淒涼。

我覺得無咗自己時間，無得休息，無得陪家人，無得見朋友，心情被影響，仲要做到病，如果只係為份工，都幾唔抵。

不過當你個team所有人都要做，唔通自己可以豁免咩！

聽丘女俠講，新公司無year end closing，真係好呀，唔知有無多個位呢！哈哈！

可以的話，大家要平衡生活，見多D家人朋友，比多D空間自己，對自己好D呀！