感恩事

團契主席有時會問：『呢個星期有D咩感恩事呀？』

其實我都有D怕呢個問題，好似無咩大事發生，小事又小到唔記得，太平常又好似行貨咗D，所以諗嘅時候都有難度。

不過今日我領詩都有問大家，因為唔問更加唔會諗！

原來唔多唔少都會有D感恩事發生，可能只係『聖誕聯歡會玩得好開心』、『執好間屋，D嘢好整齊，好有滿足感』，不過又真係好實在嘅感受，諗多D，就會發現神總係我地身邊出現。