不尋常....

離開公司已經8點，帶住唔屬於自己嘅腦袋行去地鐵站。

途中發生咗兩件事：

- 行行吓郁唔到，原來其中一隻鞋踭涉住係路面條罅隙。
- 搭扶手電梯落地鐵，忽然條裙吹起咗，禁都禁唔切，仲有D不受控制。

同一時間發生呢兩件淤事，平時應該會覺得好尷尬，不過最唔尋常係我竟然無感覺，完全無理其他人嘅眼光........

我諗我真係好攰。

跟住發生嘅事再次證明我不在狀態：

由銅鑼灣去觀塘，竟然唔記得(定唔知道呢！？)轉車，搭咗去將軍澳先醒覺。

我應該要休息啦…………