扣分制 vs 加分制

電台有個節目同D聽眾分享戀愛問題。

DJ講咗一個男女相處嘅理論，唔知真唔真，不過都幾得意。

男仔對女朋友傾向採取扣分制；女仔對男朋友則多數採取加分制。

一開始，男仔心裡面已經有一個分數比女朋友，當佢每次做得唔好，就會扣分，最後……就好自為知啦！

至於係女仔心裡面，男朋友嘅分數開始時未必好高，不過當感動嘅野做得多，就會一路加分啦！

哈哈！其實不論男女，都總係不斷加完分又減下分，循環不息架啦！要令對方十分滿意，都唔係講咁容易。