排球比賽

今日去打乒乓波，未入到體育館主場時，已經聽到裡面好熱鬧，原來有排球比賽。


從未正式係現場睇過呢類賽事，一直都唔知原來係咁好睇！

今次係男子組比賽，應該係大專生，佢地都好高大，每球打落去都好有勁，睇住佢地既默契、隊友間互相支持、飛身救波、受傷之後唔郁得，真係好緊張。

現場fans一邊睇一邊吶喊，當贏波既時候，歡呼聲加上體育館既回音效果，真係好犀利，好有氣氛。

終於明白D朋友點解咁鍾意睇排球賽！

下次再有公開比賽，一定要再去欣賞。