狗仔出租

原來日本有一種〝狗仔出租〞服務，唔一定要係日本人，就算遊客身份一樣可以租。

去到狗店，做好所有登記程序之後，就可以選擇自己鍾意既狗仔，以每小時計算，第一次租就唔可以租過夜。係呢幾個鐘頭裡面，可以帶佢去唔同地方玩，日本仲有狗溫泉呢！

呢個服務都幾得意，可以比愛狗之人跟唔同既狗仔玩，又可以認識唔同種類既狗仔。

不過，狗仔就有D慘啦！一來唔知出租時候會遇到咩人，出街之後如果比〝暫借主人〞虐待就慘啦。仲要面對個個都唔同性格既主人，可能會無所適從。另外，成世都未必有一個真正主人照顧自己，無一個屬於自己既家。

其實人都係自私，只為滿足自己需要，都無理過狗仔既感受。