釣夜魚

尋晚去左深井同細佬一家釣夜魚。

釣左一個鐘，我都有D收獲，有4條魚毛呀！其中一條係雞泡魚，釣上黎個一刻佢個肚大到不得了，一除左個魚勾，即係縮晒。本來我釣到隻蟹架！不過佢太大力，魚絲都斷埋！

最後，細佬媽咪就真係釣到隻蟹啦，好犀利呀！

邊釣魚邊傾計，環境靜靜地，又有D海風吹下，都幾舒服，釣到魚又有滿足感，呢項活動都唔錯。

不過有時又好殘忍，勾住條魚個口，有時仲勾住佢隻眼，最後嫌佢太細條，又掉返落水，但係已經受晒傷，落返海都係死路一條。我地都係慣性將自己既快樂建築係人地既痛苦上！