留言

如果打電話比人既時候飛左去voice mail，大家會留言定收線呢？

身邊好多人都唔鍾意留言，覺得好似對住空氣講野，而且有來電都會覆電話，又邊使留口訊呢！

我又覺得OK喎，可能我已經慣左啦！係公司打比客，搵唔到都一定留言，否則又話無人覆佢。而且有時唔想直接同個客講，例如有D要求做唔到比佢，又唔想佢揾我出氣，留言就最好啦！

記得以前有D voice mail，對方懶鬼馬，扮真人聽電話，係咁〝喂〞，其實想引你留言，上過一次當之後，下次反而唔想留口訊，哈哈！

有D又要聽佢講完中文，再講英文，好長氣，等成半分鍾先可以留言，未錄音之前都唔知做咩好。
不過有D人用background music，都有D taste架！

另外，聽留言都可以令人好開心。有時從外國打黎電話，好似特別珍貴咁！

有一次，一個小學一年班既妹妹留言，佢朗誦一首普通話既詩比我，聽番都幾攪笑。

p.s. 下次搵唔到我既話，希望你都會留言啦！