台灣美食……

係台灣除左玩之外，我地都成日食！好多都好好味！

墾丁第一餐 - 其實係將魚旦、金菇、雞、菜......炒埋一碟，雖然賣相爭D，不過好夠味，好好食架！

甜品 - 芒果牛奶冰，因為唔係呂宋芒，所以有D失望，不過好飽肚！
民宿老闆娘既愛心早餐，好好味架！

我最鍾意既焦糖雪糕！

阿里山晚餐 - 四餸一湯，白飯任裝！仲以為山上既質素會差D，估唔到水準都幾好！

奮起湖最出名既便當，有魚餅、滷蛋、雞肉，好好味！名不虛傳。

山葵 - WASABI既真身！老闆娘即時磨D比我地試下，D味道好新鮮呀！

高鐵站 - MOS BURGER，係香港都有分店，好多人都話好味。係台灣終於可以一試，D肉好多汁！真係唔錯喎！

新崛江夜市 - 出名既香豆腐 (即係臭豆腐)，一口一粒，我覺得乾左D，而且炸野我都係麻麻地！
割包 - 包裡面有D肉，都幾好味架！

六合夜市 - 過魚肉湯，熟魚片點D鼓油薑蔥WASABI食，都OK喎！藥膳排骨 - 補身！

巨型魷魚鬚 - 真係好大條，不過係用好多細魷魚鬚整成一條，再切開一舊舊去炸。

炸雪糕 - 好快溶，雪糕都係香港既好味D。

夢時代FOOD COURT - 壽司定食，唔錯啦！

有時我地都以杯麵做早餐 / 宵夜便所餐廳 - 以為佢地只係著重主題特色，點知D食物都唔錯喎！

咖喱雞飯 - 我唔太食咖喱都覺得幾好味！

芝士 + 肉焗飯(忘記左係咩肉?) - 好味！

雪糕就麻麻地，唔夠creamy。

雀巢新出既奶茶，唔太甜，好香茶味，好飲呀！
紅荳奶酪 - 我最鍾意奶類產品，都幾好食。