書展

第一次去書展，無想像中咁迫，放工去到6點半，行到9點幾，已經好疲累啦，不過都仲有兩層未行。

發覺好多人堆係小說既攤位，有D作者我都係今次先識咋！好似〝深雪〞，我個同事都幾有興趣睇佢D作品，不過最後都係買返〝亦舒〞既小說。有時真係覺得D作家好勁，點解有咁多野寫呢？靈感好似源源不絕咁！相信佢地對身邊既人同事都好敏銳，有好大既幻想力，將所有元素加埋一齊，就成為一本新既作品啦！

另外，都有唔少偶像明星出書，其實都係一D生活照，加埋佢地日常生活既點滴，就吸引到好多人睇(有無買就唔知)，可能大家都覺得明星有神秘感，對佢地既生活總係有D好奇。

最後，我無買書呀，比同事笑我去書展只係買精品文具，因為以前都買落好多書，不過仲未睇，所以暫時唔會再買啦！