辣椒三兄弟 -- 變左荷蘭豆 ?

星期一返到公司，偶然望一望辣椒仔，嘩……………大件事啦！點解D葉變成〝荷蘭豆〞架？哎呀，我之前個禮拜五唔記得淋水，所以謝晒啦，仲有D葉跌左落地呀！

好擔心又好內疚，即刻比番D水落去，希望無事啦。

原來植物既生命又好奇妙喎！唔夠半日，D葉已經無咁軟，唔再係〝荷蘭豆〞啦！

栽培真係好緊要，我諗係神裡面既生命都係一樣，如果唔向神支取力量，好快就會謝啦……！