舊同事飯局

每次有飯局，大家話題總離不開呻下D辛酸遭遇、呢行既新動向、要考邊D專業試、人事變化……

好多內部operations都唔使比香港人做，搬去菲律賓或者國內都得
大家都要搵番自己既價值，有經驗都要有學歷
人事成日變動，想提攜你既人可能有心無力
唔考試代表唔長進，對工作無熱誠
大學畢業既人多，有幾個學位既人唔少，個個都話要讀Master

唔可以再只求合格，要去尋求突破
以為OT代表勤力，其實人地覺得係唔夠能力

唔放料都要收多D料
唔去做都要清楚個樣野係點做
做Appraisal之前，有D人總會變得好上進
唔去犯人都要識得保護自己
無心跣人都要醒目D唔好累到人
尤其是send email前要三思，cc既name list都要諗清楚
講者無心都會聽者有意
唔講是非，都可以變成是非中既主角

以為對事，可能變左對人
呢行既運作模式又續少續少咁轉型，依家既專長可能有日會被淘汰

每次完左飯局，總會有D危機感！

大家臨走前既說話係：加油呀！