歌唱比賽

教會既歌唱比賽昨天已經順利完成啦，反應好好，都好多人參加比賽。

有D弟兄姊妹自己作曲作詞，佢地既音樂好好聽呢，神放左不同恩賜既人係我地教會，真係好。

以利沙團有Kaho同Twins參加比賽，係崇拜之後，有時間梗係要做番個Fans牌，幫佢地打下氣啦。當我同家虹做緊既時候，馬可團既一班姊妹，亦都一齊去製作，因為佢地團契都有幾個單位 參加比賽架。一齊做〝啦啦隊工具〞既時候，都幾開心架。

雖然最後呢兩個團契都無得獎，但問番一D馬可團既團友時，佢地都好開心，相信係因為練習同比賽既時候，大家可以一齊參與，呢種〝一齊〞既感覺，其實都好寶貴呢。

比賽既尾聲，竟然破天荒搵左(其實係逼左)牧師同傳道人上台帶領大家唱歌做動作，佢地同大家打成一片，亦係氣氛最高漲既時候，可以話係演出十分成功呀。