氣味 + 回憶 = ……

唔知你有無試過聞到一D氣味既時候，會諗起一D生活片段呢？

舊式麵包舖既氣味 = 幼稚園

細個讀個間〝嘉名幼稚園〞樓下係一間舊式麵包舖，每朝返學都一定會經過，當學校舉行生日會時，我地一定係呢度買奶油生日蛋糕既。

NIVEA士多啤梨味潤唇糕 = 媽咪既獎勵

細個既時候，如果個排比較乖，媽咪就會買一盒〝芝蘭 - 士多啤梨味香口珠〞比我食，但係依家而經無再出啦，亦都搵唔到其他牌子有一模一樣既味道。

當我發現呢支潤唇糕就係呢種味既時候，小學三年級既回憶即刻返左黎啦。

某牌子香水 = 一位朋友

幾年前，有位朋友用開一支香水，所以每次聞到呢陣味，我都會諗起佢。記得有次搭地鐵時，個隻香水味隨住一陣風由另一個車箱吹過來，到落車時發現原來佢都係同我一班車，睇黎佢D香水都噴得好重手喎！

STARBUCKS COFFEE = 美國旅行

其實我唔鐘意飲咖啡，不過就好鐘意聞咖啡，每次聞到D咖啡味，就會諗起係美國旅行既快樂時光，所以有時經過STARBUCKS，都要入去吸收D咖啡精華，當係充下電，relax下。

確不同太陽油 = 陽光與海灘

好想去海灘relax下呀，有太陽照住，係大海到浮下浮下，真係好開心架！