心理測驗 ~~~ 1 ~~~ 分析結果係 >>>>

其實呢個心理測驗係分析係困苦既環境入面，我地會首先放棄邊樣野先。
孔雀 ~~~ 愛人
老虎 ~~~ 金錢同權力
猴子 ~~~ 子女
大象 ~~~ 父母
小狗 ~~~ 朋友

唔知你認唔認同個分析結果呢，無理由會先放棄愛人架！姑勿論佢個分析有無根據，但原來好多人都會先選擇放棄孔雀(包括我都係)，有無諗過點解揀佢呢？ 孔雀係艱苦環境入面係最唔能夠幫到我面對困境既人，所以好自然會放棄佢先。

曾經有人選擇最後先放棄孔雀，佢話因為孔雀最無能力保護自己，所以更加唔能夠留低佢，要同佢一齊去面對困境。

係選擇既過程中，我地好自然都會考慮人地可以對我地付出幾多，但原來對方都好需要我地既幫助。如果再玩過，唔知我地既答案會唔會有分別呢？